Көпсалалы медициналық орталықта пациенттерге арналған ағартушылық вебинар өтті. Тақырыбы – асқазан обырының қауіп факторлары.

Спикер – Құралбаев Жанибек Ермекұлы. Ол аурудың даму себептері, тұқым қуалаушылық пен мінез-құлық факторлары, тамақтану мен өмір салтының асқазан обырына әсері туралы кеңінен баяндады.

Вебинар барысында мына мәселелер қарастырылды:

• ауруға бейім халық топтары;
• асқазанның созылмалы ауруларының (гастрит, ойық жара, Helicobacter pylori инфекциясы) рөлі;
• зиянды әдеттер мен дұрыс емес тамақтанудың әсері;
• ауруды ерте анықтауда профилактикалық тексерулердің маңызы.

Іс-шара пациенттердің хабардарлығын арттыруға және өз денсаулығына жауапкершілікпен қарауға бағытталды.